Thursday, February 20

बाजुरामा भाइरल ज्वरोले २ को मृत्यु, २ सयभन्दा बढी बिरामी

बाजुरा — जिल्लामा भाइरल ज्वरोका कारण मृत्यु हुनेकाे संख्या २ पुगेकाे छ । मंगलबार जिल्लाको स्वामीकार्तिक खापर गाउँपालिका– १ जोरुमा भाइरल ज्वरोका कारण मंगलबार साँझ ५५ वर्षीया मिमा कडाराको मृत्यु भएको थियो । सोही टोलका ७० वर्षीय दलबहादुर रावलको बुधबार विहान मृत्यु भएपछि मृत्यु हुनेको संख्या २ पुगेको हो । रावलको मृत्यु भएको वडाअध्यक्ष जनकबहादुर रोकायाले जानकारी दिए ।  

मृत कडाराको परिवारका ५ जना पनि बिरामी रहेका साप्पटा स्वास्थ्य चौकीका इञ्चार्ज विर्ज विकले बताए। गाउँपालिका १ का विभिन्न स्थानमा ‘सिजनल फ्लू’ भनिएको भाइरल ज्वरोका कारण २ सय १५ जनाभन्दा बढी बिरामी भएका स्वामीकार्तिक खापर गाउँपालिकाका निमित्त प्रमुख प्रशासकीय अधिकृत कुबेर शाहीले बताएका छन्।

सिङ्गो गाउँ नै बिरामी पर्न थालेपछि स्वास्थ्यकर्मीलाई उपचार गर्न समस्या भइरहेको छ। एक सातायता बिरामीको संख्यामा बृद्धि हुँदै गएको भन्दै स्वास्थ्यकर्मी विकले स्वास्थ्य संस्थामा पर्याप्त मात्रामा औषधि र जनशक्ति नहुँदा समस्या हुन थालेको बताएका छन्।
स्वामीकार्तिक खापर गाउँपालिकाका स्वास्थ्य शाखा संयोजक भक्तबहादुर कैलाले स्टकमा रहेको औषधिसहित भाइरल प्रभावित क्षेत्रमा स्वास्थ्यकर्मी परिचालन गरिने जानकारी दिए। स्वास्थ्यकर्मीहरुले भाइलर ज्वरो अन्य ठाउँमा पनि फैलन सक्ने भएकाले सुरक्षाका उपाय अपनाउन र स्वास्थ्यमा हेरचाह तथा चिसो तातोमा ख्याल गर्न सुझाव दिएका छन्।
हिमाली गाउँपालिकामा पनि भाइरलका बिरामी रहेका छन्। उक्त ठाउँमा बुधबार प्राविधिक सहितको टोली पुग्‍ने भएको छ।

Related posts:

यदि म प्रधानमन्त्री भए भने युवालाई बिदेस होइन नेपालमै रोजगारीको व्यवस्था गर्छु : गगन थापा
जन्मँदै छोरीलाई तीन लाख नपढाउने र उमेर नपुगी बिहे गरिदिने चलनलाई फेर्न छोरीले परिवारबाट २० वर्षसम्म ...
देवचुली ११ धारापानीमा बम भेटियो
दुनियाँमा कोही कसैको आफ्नो हुँदैन, मानिसहरु मलामी जान्छन् त केबल हाजिर जनाउन !
प्रदेश १ का ७ अस्पतालमा ‘आइसोलेटेड बेड’ राख्‍ने तयारी
नेपाली भूमि फिर्ता गर्न माग गर्दै प्रदेशसभामा संकल्प प्रस्ताव दर्ता
नेपाली कामदार मलेसिया आउन पैसा तिर्नुपर्दैन:मलेसिया स्थित नेपाली राजदुतावास।
सांसद अधिकारीको प्रश्न : नेपाल ट्रष्टको सम्पत्ति हिनामिना र भ्रष्टाचारमा प्रधानमन्त्री र उपप्रधानमन्...

Leave a Reply

Your email address will not be published. Required fields are marked *